Shkrumbohen pesë automjete në lagjen “Pavarësia” në Vlorë. Ngjarja ka ndodhur gjatë natës teksa makinat ishin të parkuara, ndërsa një nga automjetet e djegura i përket një punonjësi të Bashkisë së Vlorës.
Konkretisht, makina është e Genti Sherifit, i cili është Drejtor i Shërbimeve në Bashkinë e Vlorës. Ndërsa makina tjetër e djegur, është e bashkëshortes së tij.
Policia dhe grupi hetimor po punojnë për zbardhjen e rrethanave të ngjarjes dhe nuk ka ende një version zyrtar nga ana e policisë.
