Një ngjarje e pazakontë është regjistruar në qytetin e Londrës, në Angli, teksa gjatë një sherri mes dy shoferëve, njëri nga ata e ka qëlluar me çekiç kokës tjetrin.
Nga pamjet duket se shoferi i makinës del nga automjeti dhe qëllon në kaskë motoristin, i cili duket mjaft i nxehur, teksa shihet të godasë makinën.
Ngjarja është kapur nga kamerat e sigurisë dhe nga kalimtarë të shumtë, të cilët mbetën të tronditur nga kjo ngjarje.
Në sfond dëgjohet edhe zëri i një gruaje, e cila i lutet të dy personave që të ndalojnë.
