Ka pasur një përplasje mes protestuesve te godina e Kryeministrisë, ku është dhunuar një person i dyshuar si spiun.
Protestuesit janë shprehur për gazetaren e Tirana Today se ai ishte oficer policie dhe se ishte mes turmës për të provokuar apo për të etiketuar personat që përshkallëzojnë. Ndërsa një pjesë tjetër e akuzuan si hajdut xhepash, i cili po e shfrytëzonte protestën për të rrëmbyer ndonjë portofol.
Ndërsa në momentin që protestuesit e kanë pikasur personin, e kanë goditur me grushte edhe shkelma derisa e kanë nxjerrë nga turma në drejtim të policisë. Më pas ai është marrë nën kujdesin e policisë për tu larguar nga ajo zonë. Ende nuk bëhet i ditur identiteti i personit që është dhnuar.
