Policia italiane ka vënë në pranga dy persona sepse u janë gjetur rreth 206 kg marijuanë. Njëri prej të arrestuarve është shqiptar. Dy personat janë arrestuar teksa po shkarkonin lëndën narkotike nga një furgon, raporton media italiane “Il Fatto Quotidiano”.
Identiteti i të arrestuarve nuk bëhet i ditur, por policia tregon se janë një italian 50 vjeç dhe një 52-vjeçar shqiptar me banim në Milano.
Gjatë kontrollit në banesë, policia gjeti dhe sekuestroi rreth 62 mijë e 880 euro.
