Gjykata vendosi t’i lë të lirë të akuzuarit se rrahën për vdekje një 41-vjeçar shqiptar. Pasi u vlerësua se 41 vjeçari vdiq nga probleme patologjike, duke përjashtuar akuzën për vrasje. Trupi gjykues vendosi që autorët të paraqiten në Polici një herë në 10 ditë.
Ngjarja ndodhi në qytetin Lamia të Greqisë pak ditë më parë. Dy vëllezërit binjakë 33-vjeçar që janë shqiptarë, pjesëtarë të komunitetit egjiptian, u përplasën me viktimën, dhe e futën në mes duke e goditur me grushte dhe shkelma.
Më pas, 41-vjeçari u dërgua në spital por ndërroi jetë pasi pësoi atak kardiak. Kjo e dhënë u vlerësua nga Gjykata si shkak i vdekjes së të ndjerit, megjithëse hetimi përcaktoi se ataku kardiak erdhi për shkak se viktima u përball me dhunë fizike që rezultoi fatale për jetën e tij.
