Një ditë pasi doli pozitiv me koronavirus, presidenti i Brazilit, Jair Bolsonaro, ka dalë në një lidhje live për mediat.
Ai ka pohuar edhe një herë se është në gjendje të mirë shëndetësore, duke theksuar se nuk asnjë arsye për të pasur frikë.
“Jam pozitiv. Nuk ka asnjë arsye frike. Kjo është jeta. Jeta vazhdon. Falënderoj Zotin për jetën time dhe rolin që më është dhënë për të vendosur të ardhmen e këtij kombi të madh që quhet Brazil ”, tha ai për gazetarët e pranishëm.
Pas kësaj, Bolsonaro është stepur disa hapa nga gazetarët dhe ka hequr maskën, si formë për të konfirmuar se është në gjendje shumë të mirë. Por me këtë veprim ai theu një nga masat më të rëndësishme anti-COVID.
“Vetëm shikoni fytyrën time. Unë jam mirë, jam mirë, faleminderit Zotit … Faleminderit të gjithë atyre që janë lutur për mua … dhe për ata që më kritikojnë, pa problem, të vazhdojnë të kritikojnë sa të duan”, shtoi ai.
Në mars, pasi Covid-19 shkaktoi viktimat e saj të para në Brazil, populisti i ekstremit të djathtë përdori deklaroi para kombit se edhe nëse do të infektohej do ta mposhte shpejt sëmundjen falë “prejardhjes së tij prej atleti”.
Brazili është vendi i dytë në botë pas SHBA-ve, më i prekur nga koronavirusi. Deri më tani vendi regjistron mbi 1,6 milionë raste infektimi dhe 67,113 viktima.
