Kryeministri Edi Rama ka qenë sot sërish në Vlorë, ku ka inspektuar punimet në segmentin e tretë të lumit të qytetit.
Ai ka qenë i shoqëruar edhe nga deputetët Damian Gjiknuri e Alket Hyseni, nga kryebashkiaku i Vlorës, Dritan Leli, si dhe nga ministrja e Financave, Anila Denaj.
Kjo e fundit u shpreh se Kuçi si fshat dikur ka pasur madje deri shkollë të mesme, duke i kërkuar kryeministrit që sot së paku të marrë zhvillim të mëtejshëm.
Rama tha se aksi që do të ndërtohet Gusmar-Kuç do të lidhë Tepelenën me Himarën. Kreu i qeverisë shtoi se do të ndërtojë dy kantiere të reja në Malet e Labërisë, teksa theksoi se segmentet e reja që pritet të ndërtohen, do t’i japin më shumë zhvillim kësaj zone turistike.
Kujtojmë se ditën e djeshme, Rama ishte edhe dje në Vlorë, ku inspektoi punimet e “Lungomare 2”.
Postimi i plotë:
2 KANTIERET E REJA MES MALEVE TË LABËRISË, NJËRI SEGMENTI I TRETË I RRUGËS SË LUMIT TË VLORËS DHE TJETRI AKSI I RI MALOR GUSMAR-KUÇ, QË DO TË LIDHË TEPELENËN ME BREGUN E HIMARËS, BËJNË REALITET NJË ËNDËRR TË MOÇME, NJË TJETËR PREMTIM TË DHËNË NGA QEVERITË E SHUMË DEKADAVE, E MBI TË GJITHA MUNDËSINË E ZBULIMIT BRENDA NJË ORE NGA VETË SHQIPTARËT PËRVEÇSE NGA VIZITORËT E HUAJ, TË NJËRËS PREJ PJESËVE MË SPEKTAKOLARE TË NATYRËS SHQIPTARE?☀️?
FALË KËTIJ INVESTIMI TË MADH NIS PËR TËRË KËTË ZONË PËRRALLORE EDHE KOHA E NJË EKONOMIE TË RE RURALE, KU NATYRA, HISTORIA, PRODHIMET BIO DHE MIKPRITJA TRADICIONALE, KTHEHEN NË MOTORËT E ZHVILLIMIT TË AGROTURIZMIT ME NJË OFERTË SENSACIONALE?
