Gazetari Furkan Saliu ka publikuar një video në rrjetin social Facebook, ku pretendon se është ofenduar nga kryeministri Rama, gjatë forumit në Shkup. Ai ka zbardhur një debat që ka pasur me kryeministrin Rama, i cili ka shpërthyer me një lumë ofendimesh ndaj tij. Saliu shkruan se kryeministri e ka sharë duke i thënë injorant, e ndërsa gazetari e ka cilësuar si arrogant. Dje u mbajt në Shkup samiti “Ballkani i Hapur”. Pjesë e forumit në Shkup ishin kryeministri i Shqipërisë Edi Rama, ai i Maqedonisë së Veriut Zoran Zaev dhe presidenti serb Aleksandër Vuçiç, së bashku me 250 kompani nga rajoni. Tre liderët ranë dakord gjatë samitit që të eliminohen kufijtë. Presidenti serb Vuçiç dha lajmin për objektivin optimist që nga 1 janari 2023 të mos ketë më kufij mes shqiptarëve, serbëve dhe maqedonasve. Kryeministri i Maqedonisë së Veriut, Zoran Zaev citoi se i gjithë rajoni ka nevojë të konsumojë më pak histori, por më shumë ekonomi. Ndërsa kryeministri i vendit Edi Rama, zgjodhi t’i jepte mesazhet më të forta kundër atyre që presin që Ballkani të jetojë ende në shekujt e errët të së shkuarës. Sipas tij, ballkanasit nuk kanë pse të presin Bashkim Europian kur liritë mund t’i realizojnë nga bashkëpunimi mes tyre.
Statusi
Për shkak të distancës mikrofoni nuk ka kap gjithçka që më tha dhe i thash Ramës, po qe po mundohem pak a shumë tua shpjegojë situatën.
Konferenca për media doli që nuk ishte për media po për televizionet private të Ramës, Vuçiçit dhe Zaevit, dmth televizionet publike.
Iu thash në anglisht të treve se kjo po duket mu ashtu siç e tha Rama, mini-Jugosllavi, pa liri të shprehjes.
Kjo si duket e preku më së shumti Ramën
E pastaj filloi “biseda”…
Rama: Ti je një injorant!
F.S: Injorant Gashi?
Rama: Çfarë rinie jeni ju? Injorantë!
F.S: Nuk e di se a unë jam injorant apo ju arrogant?
Rama: Pse arrogant? Po e them të vërtetën, je injorant!
F.S: Ju ekspert injorantes, i njihni në shikim të parë, me shumë gjasa jeni të rrethuar me injorantë
Afrohen gazetarët, fillojnë të interesohen se për çfarë po flasim dhe Rama e ngrit zërin…
Rama: Nëse do intervistë ekskluzive..?
F.S: Jo faleminderit
