Protesta e opozitës është zhvendosur tashmë pranë Parlamentit, ku situata vijon të jetë e tensionuar.
Protestuesit po sulmojnë policinë duke hedhur gurë e sende të forta drejt tyre, ndërsa si përgjigje ndaj tyre është hedhur herë pas here gaz lotsjellës.
Si pasojë, një qytetar nuk është ndjerë aspak mirë, i cili është marrë nga disa protestues të tjerë të pranishëm dhe është larguar për t’i dhënë ndihmën e parë.
Mësohet se po ashtu kanë mbetur të lënduar tre policë dhe një tjetër protestues. Tashmë po përdoret edhe ujë me presion për të shpërndarë turmat e protestuesve.
