Banorët e Kamzës dhe përfaqësues të shoqatave ambientaliste, kanë zhvilluar një protestë kundër hedhjes së mbeturinave dhe djegies së tyre në lumin e Tërkuzës.
Prej ditësh qytetarët protestojnë të shqetësuar për djegien e mbetjeve, proces i cili rrezikon të sjellë një katastrofë mjedisore në zonën përreth. Ankesat e banorëve tregojnë se djegia e mbetjeve përhap erën e rëndë aq sa ata e kanë të pamundur të hapin dyert dhe dritaret e shtëpive. Qytetarët shprehen të indinjuar, se landfilli nuk përmbush absolutisht kriteret e nevojshme, madje edhe mbetjet spitalore groposen për tu mbuluar me mbetjet e tjera.
Lumi i Tërkuzës është vendi ku depozitohen mbetjet, të cilat digjen më pas. Disa prej banorëve raportojnë edhe raste të sëmurësh në familjet e tyre, nga ndotja ekstreme që ka shkaktuar procesi i djegies së mbeturinave. Ata kërkojnë marrjen e masave nga Bashkia për të gjetur zgjidhje për trajtimin e mbetjeve në vende të përshtatshme larg zonave të banuara.
Bashkia e Kamzës është një nga ndotësit më të mëdhenj të ujërave me mbetje urbane të cilat përrenjtë dhe lumenjtë i depozitojnë në bregdet.
https://www.facebook.com/tiranatodaycom/videos/329846694126741/
