Sot në Malishevë është hapur panairi artizanal, ku janë prezantuar punime të dorës në veshje, dekorime në bizhuteri si dhe ushqime tradicionale.
Panairi u hap në kuadër të “Ditëve të Mërgatës”, ndërsa në hapjen e tij morën pjesë edhe nënkryetari i Komunës së Malishevës, Rexhep Mazreku dhe drejtoresha për Kulturë, Rini dhe Sport, Blerta Krasniqi.
“Unë ju përgëzoj në rend të parë për punën që po e bëni dhe në të njëjtën kohë, për kultivimin e vlerave të mirëfillta shqiptare, tradicionale, përmes veshjeve dhe ushqimeve, shtrojës dhe mbulojës dhe gjërave tjera nga tradita jonë”, tha nënkryetari Mazreku.
Drejtoresha Krasniqi vuri në vëmendje faktin se veç panairit, në Malishevë do të mbahet edhe edicioni i katërt i festivalit folklorik “Oda e Llapushës”, festival në të cilin prezantohen vlerat e mirëfillta të folklorit.
