Pronari shqiptar i një restoranti që pritet të hapet në SHBA, po përballet më një sërë komentesh negative lidhur me emrin që ka përzgjedhur për biznesin që do të ngrejë, shkruan fox29.com.
Restoranti i ri në City Center nuk është hapur akoma, por ka nxitur reagime negative nga disa persona duke u lënë aty një përshtypje jo të mirë. Nuk ka të bëjë fare me ushqimin, por me emrin e restorantit.
Restoranti i ri që do të hapet në “Broad Street” do të quhet “Illegal Tacos”. Pronari e dinte se do të nxiste polemika, por këmbënguli, sepse ai mbështet imigrantët.
Fjala “Tacos”, përdoret për një lloj ushqimi meksikan. Ndërsa fjala “ilegal”, nga pronari i restorantit që pritet të hapet do të përdoret në një formë mbështetje për të gjithë emigrantët që qëndrojnë atje, edhe pse disa e kanë parë me konotacion negativ përdorimin e kësaj fjale si emërtim për një restorant.
Pronari Florian Furxhiu shkoi nga Shqipëria në SHBA, 17 vjet më parë. Por, komentet që vijnë në faqen restorantin të tij në “Facebook”, janë negative duke u shprehur se emri i këtij biznesi është i “neveritshëm” dhe i “pandjeshëm”.
” Komentet në internet mendoj se vijnë nga ata që nuk e pëlqejnë klimën aktuale të emigracionit. Por unë jam ai që u jep zë emigrantëve ilegalëve. Këtu, shumica prej jesh jemi duke qëndruar ilegalisht”, u shpreh Florian.
“A është ai anti-emigrantëve?” poeti FOX 29 Michael Giuda, pronari e ligjshëm të ndërtesës ku po ngrihet restoranti. “Absolutisht jo. Ai ka një dyqan kafeje në Filadelfian e Jugut, ndoshta 90% e njerëzve që hyjnë në kafene janë emigrantë “, tha Giuda. Restoranti pritet të hapet para fundit të vitit.TIRANA TODAY
