Presidenti i Turqisë, Rexhep Taip Erdogan, ka bërë vaksinën kundër COVID-19 në transmetim të drejtpërdrejtë televiziv, ashtu si shumë liderë të tjerë në botë, përfshirë dhe kryeministrin Edi Rama.
Erdogan tha se shpresojnë që për një kohë të shkurtër, të vaksinohen të gjithë shtetasit e Turqisë. Pas vaksinimit, presidenti u prononcua para gazetarëve, ku bëri të ditur se rreth 300 mijë punonjës shëndetësorë janë vaksinuar kundër COVID-19 në Turqi deri më tani.
Ai po ashtu njoftoi se në Turqi do të vijnë edhe 25-30 milionë doza të tjera të vaksinës kundër COVID-19. Erdogan bëri vaksinën në spitalin e Ankarasë. ”Edhe unë u vaksinova”, ka thënë Presidenti.
Başarıyla devam eden aşı programımız dahilinde şu ana kadar 254 bin sağlık çalışanımız ilk doz aşılarını oldu. Ben de onlara katılarak aşılandım.
İnşallah çok kısa süre içinde tüm vatandaşlarımızı aşılamayı hedefliyoruz. Hayırlı uğurlu olsun. pic.twitter.com/6xvPr8NX9q
— Recep Tayyip Erdoğan (@RTErdogan) January 14, 2021
Sipas të dhënave nga Ministria e Shëndetësisë, Turqia ka 1,1 milion punonjës shëndetësorë të cilët do të vaksinohen brenda një muaji. Dy doza të vaksinës do të administrohen me 28 ditë diferencë.
Ministri i Shëndetësisë Fahrettin Koca, duke folur pasi Erdogan u largua nga spitali, tha se të gjithë qytetarët duhet të vaksinohen kur të vijë radha e tyre.
https://www.youtube.com/watch?v=lVCO1ExOGQY&ab_channel=Newzee