Kreu i Forumit Rinor të Partisë Demokratike, Belind Këlliçi, ka dënuar dhunën e ushtruar ndaj një qytetari. Ai ka ndarë me ndjekësit e tij në Facebook një video, ku Policia Bashkiake dhunon një qytetar.
Sipas asaj që shihet në video, policia tenton të fusë në makinë një të ri të komunitetit rom. Për këtë video denoncuese, Belind Këlliçi shkruan se kjo është fytyra e vërtetë e Veliajt, dhe se urrejtja dhe mllefi ndaj qytetarëve nuk njeh kufi.
I riu dëgjohet të thotë “Amon…më vrave” për ta lënë të lirë, por policët vijojnë sipas planit të tyre.
Statusi
Del serish ne pah fytyra e vertete e Erion Veliajt. Policet bashkiake rrahin, dhunojne dhe i grabisin kanacet nje te riu te komunitetit rom! Urrejtja dhe mllefi i Veliajt ndaj qytetareve, nuk njeh kufij!
