Edhe pse protestat në Serbi kanë përfunduar, në rrjetet sociale vijojnë të publikohen video ku shihet dhuna brutale e milicisë serbe ndaj qytetarëve.
Siç shihet edhe në këtë video, një grup i madh policësh serbë shtrijnë në tokë një protestues duke e qëlluar brutalisht me shkopinj gome, deri sa e lënë pa ndjenja në mes të rrugës.
Ndërkohë disa policë të tjerë që po kalonin patrullë me makinat e tyre e kanë marrë dhe e kanë larguar matanë protestuesin pasi i kishte zënë rrugën.
Presidenti Aleksandër Vuçiç e cilësoi situatën në kryeqytetin serb “alarmante” dhe “kritike”. Protestat erdhën pas paralajmërimit të qeverisë serbe për të rikthyer orën policore në vend, por shtabi i krizave u tërhoq nga ky vendim.
