Konferenca e përbashkët për media e kryeministrit Rama dhe kancelares gjermane Merkel, ka zgjatur më pak se 40 minuta.
Kjo ka sjellë një lloj proteste nga gazetarët e Kosovës, të cilët kanë kërkuar më shumë kohë për të parashtruar pyetjet.
Por kreu i qeverisë shqiptare mbajti një qëndrim të prerë, ku tha se konferenca mund të vazhdojë me të, por për shkak të axhendës, kancelares i duhet të largohet.
Gazetarët nga Kosova nuk i kanë kursyer ankesat ndaj kryeministrit Rama. Ata kanë reaguar duke iu adresuar kreut të qeverisë për padrejtësi, ndërsa Rama u shfajësua duke përdorur axhendën e ngarkuar të kancelares Merkel.
