Një video nga shpërthimi i vullkanit Popokatepetl në Meksikë po bën bujë në rrjetet sociale.
Diskutimet nuk lidhen me shpërthimin e vullkanit, por me atë që kamerat kanë kapur pasi ndodhi shpërthimi i tij. Ueb-kamerat e qeverisë meksikane regjistrojnë vazhdimisht Popokatepetl dhe aktivitetin e tij. Në filmimet e fundit të bëra publike, duket se pas shpërthimit afër zonës kalon një objekt fluturues i paidentifikuar.
Teoricienët e konspiracionit shfaqen të bindur se objekti i ndritshëm që shfaqet disa sekonda pas shpërthimit të jetë një UFO. Ndërsa të tjerë të cilët nuk besojnë te këto gjëra, shprehen se objekti mund të jetë një aeroplan apo satelit.
Por si no lo vieron.
⚠️ Impresionante ⚠️
Actividad del #Volcán #Popocatépetl ayer a las 23:18 hrs.Vista desde San Nicolás de los Ranchos, #Puebla.
Vía: @jabed1.🚦El Semáforo de Alerta Volcánica se encuentra en #AmarilloFase2. pic.twitter.com/5SQAfl0sG7
— Webcams de México (@webcamsdemexico) January 28, 2020
Kujtojmë, vitin e kaluar në janar, një teoricien i konspiracionit lëshoi një video ku pretendonte se alienët janë vizitorë të shpeshtë në vullkanin Popokatepetl.
I njëjti person pretendon se aktiviteti jashtëtokësor rreth këtij vullkani është rritur në pesë vjetët e fundit, ndërsa vendësit pretendojnë të kenë parë UFO që dilnin nga vullkani.
