Teksa trumbetohet shpesh se policia nuk ka të ndalur me aksionet për goditjen e veprimtarive kriminale të kultivimit të lëndëve narkotike, një tjetër fushë me hashash tregon një realitet të trishtë.
Është deputeti demokrat Luçiano Boçi që ka publikuar një video në faqen e tij në “Facebook”, teksa tregon se është filmuar në Vlorë.
Aty shihet një pjesë toke e mbjellë me drogë. Deputeti shkruan me ironi se gjelbërimi me hashash vazhdon.
“FRESKIA E HASHASHIT!
Gjelbërimi me hashash vazhdon!
Pamje nga Vlora.
Kjo është një video të cilën një mik ma postoi, si dëshmi tronditëse të kriminalizimit të vendit.
Shiheni me kujdes!
E shoqëron me fjalë vetë, ku përcakton qartë dhe ditën, me qëllim që “laboratori” i Ramës mos ta nxjerrë se është e vitit të kaluar!
Hashash, drogë, krim, vrasje, grabitje prone publike e jo vetëm.
Kjo është pamja e jetës “së lumtur” në vendin tonë, ku ndërtohet banditizmi me forcat …. e qeverisë!’, shkruan ai.
