Spektakli i Çmimit të Madh të Holandës në MotoGP u konkretizua me fitues Marc Marquez. Në pistën e Assen është zhvilluar gara më e bukur e viteve të fundit ku rivaliteti ishte shumë i madh i shoqëruar me shumë parakalime dhe shumë pilotë të renditur në vendin e parë.
Në vendin e dytë u rendit spanjolli Alex Rins me Suzuki dhe në të tretin një tjetër spanjoll, Maverick Vinales me Yamaha. Pas tyre u klasifikuan dy pilotë italianë, me Andrea Dovizioso (Ducati) që la pas Valentino Rossin (Yamaha).
Marquez, Rossi, Dovizioso, Vinaler dhe Lorenzo gjatë gjithë garës kanë qenë në “luftë” për vendin e parë, por kur kishin mbetur vetëm dy xhiro spanjolli i Hondas u shkëput dhe fitoi. Jashtë podiumit mbeti Rossi, që dy xhiro nga fundi mori gjerë kthesën dhe doli nga pista e humbi mundësinë për t’u ngjitur në podium.
Garë me hope e Lorenzo, që edhe pse e udhëhoqi atë në pjesën e parë, në të dytën humbi terren, duke u klasifikuar në vendin e shtatë. Në renditjen e përgjithshme, Marquez ngjitet në kuotën e 140 pikëve, Rossi qëndron i dyti me 99 pikë e pas tij ndodhet Vinales me 93. Gara e radhës së Botërorit të Moto GP, pas dy javësh në Gjermani.
