Ka pasur sërish tensione në fakultetin e Inxhinierisë së Ndërtimit, Urbanistikës dhe Arkitekturës, teksa disa civilë janë përplasur me studentët e ngujuar.
Këta të fundit kanë filmuar momentin e përplasjes, ku një person civil ka goditur një student që filmonte, duke i rrëzuar celularin.
Pas këtij incidenti, studentët kanë folur duke treguar sipas tyre dhunën që po u bëhet si psikologjikisht, ashtu edhe fizikisht.
Personi që filmon është kujdesur të mos kapë fytyrat e studentëve, të cilët janë shprehur se po u bëjnë presion dhe po i dhunojnë, si dhe nuk i kanë lejuar të marrin ushqime brenda ambienteve të universitetit.
Pasi kanë tentuar t’i nxjerrin studentët jashtë dhe nuk ia kanë dalë, policët privatë kanë mbyllur me zinxhir dyert e fakultetit, duke lënë brenda pa ushqime dhe pa ujë rreth 50 studentë.
