E premte, 22 Janar, 2021
12 C
Tirana

Video/ Momenti kur avioni në Indonezi humb gjurmët e radarëve

Një tragjedi e rëndë ndodhi ditën e sotme në Indonezi, ku një avion ”Sriwijaya Air” me 62 persona në bord, u rrëzua në det pak minuta pasi u ngrit nga pista.

Fillimisht u raportua se në bord ndodheshin 50 persona, por disa agjenci lajmesh raportojnë numri i tyre ka qenë 62 në total, 43 të rritur, 7 fëmijë si dhe 12 anëtarë të ekuipazhit, shkruan CNN.

Agjensia indoneziane e kërkimit dhe shpëtimit “Basarnas” po kryen një operacion intensiv kërkimi. Një oficer i nivelit të lartë tha në një konferencë shtypi se oficerët e tyre në terren po gjejnë mbetjet rreth ishullit Lancang në veri të bregdetit të Xhakartës, ku avioni humbi kontaktin.

“Mbetjet do t’i kalohen Komitetit Kombëtar të Sigurisë së Transportit për t’u hetuar”, tha ai, duke shtuar se nuk konfirmohet nëse ato i përkasin avionit të zhdukur. Ndërkohë, është publikuar edhe një video nga momenti kur avioni zhduket nga radarët.

Gjenden mbetje në det

Forcat e kërkim-shpëtimit në Indonezi, kanë gjetur pjesë të avionit i cili humbi kontaktet me kullën e kontrollit pak minuta pas nisjes nga kryeqyteti Xhakarta.

Mbetjet janë gjetur në zonën ku humbi gjurmët, gjë që konfirmon rrëzimin e tij. Banorët e ‘Thousand Island’, vendit ku është zhdukur avioni, thanë se kishin dëgjuar dy shpërthime përpara se të gjenin sende në det.

Humbja e gjurmëve

Sriwijaya Air Boeing 737 humbi kontaktin gjatë rrugës për në Pontianak në provincën perëndimore Kalimantan, thanë zyrtarët.

Uebfaqja për gjurmimin e fluturimeve Flightradar24.com tha se avioni kishte humbur lartësi prej 3,000 metrash në më pak se një minutë.

 

Ndërkohë, kompania e fluturimeve ”Sriwijaya Air”, tha se ishte ende duke mbledhur informacion në lidhje me ngjarjen e rëndë, para se të lëshojë një deklaratë zyrtare.

Sipas detajeve të regjistrimit, aeroplani është i prodhuar para 27 vjetësh. Aksidentet e aviacionit janë relativisht të zakonshme në Indonezi, për shkak të mbipopullimit, vjetërsisë së infrastrukturës dhe standardeve të dobëta të sigurisë.

- Reklama -

Më shumë nga kategoria




Të fundit

Rritet numri i viktimave dhe të infekuarve nga koron*virusi në vend

Covid-19 u ka marrë jetën edhe 7 personave në vendin tonë në 24 orët e fundit. Kurba e koronavirusit në vend mbetet e lartë, teksa...

Sikleti me mësuesin e gjimnazit, ministren për Europën e ca të tjerë

Nga: Genc Pollo “Fremdschämen” është një fjalë gjermanisht e cila, me sa kam parë, nuk ka ekuivalent njëfjalësh në gjuhët europiane përfshi edhe shqipen. Kur...

Koronavirusi, Kapshtica mbetet e mbyllur deri më 8 shkurt

Ministria për Evropën dhe Punët e Jashtme bën me dije se Pika e Kalimit Kufitar Kapshticë, do të qëndrojë e mbyllur deri më datë...

“Hakmarrja është e pashmangshme”/ Lideri i Iranit kërcënon Donald Trump-in

Në llogarinë e Udhëheqësit Suprem të Iranit, Ajatollah Ali Khamenei, është bërë një postim që duket se është një lloj kërcënimi për ish-presidentin e...

Rritet numri i viktimave nga Covid-19 në Kosovë, 289 raste të reja

Instituti Kombëtar i Shëndetësisë Publike në Kosovë (IKSHPK), ka njoftuar të premten se janë regjistruar edhe 14 viktima nga koronavirusi. “Rastet e vdekjes janë nga...