Artan Hoxha ka reaguar pas takimit të presidentit Ilir Meta me ish-kryeministrin Sali Berisha në Presidencë. Gazetari i njohur investigativ, ka nxjerrë një video, se si pritej Meta në janar të vitit 2001 me porosi të Berishës nga malësorët në Tropojë. Bashkëngjitur videos në fjalë, Hoxha thotë se asgjë nuk harrohet.
Statusi
Asgje nuk harrohet….
Presidenti ne detyre Meta, ndersa percillte nga nje takim shume i perzemert ish-presidentin Berisha na kujtoi se si mirepritet malesori…
Ne rregull deri ketu, pa a ju kujtohet se si e keni mirepritur njeri-tjetrin para ca vitesh, apo ne ate kohe nuk e kishit mesuar mikpritjen malesore…
Ja si mikepritej ish-kryeministri Ilir Meta ne janar te vitit 2001, me porosi te Sali Berishes nga malesoret ne Tropoje…
Situata sot
Pas përfundimit të mbledhjes që u zhvillua mes ish-kryeministrit Berisha dhe Kreut të Shtetit, Ilir Meta, që zgjati 30 minuta, pati edhe shkëmbime batutash.
Meta ka thënë se “Sipas traditës së malësorëve, e prita vetë mikun dhe e përcolla deri tek dera”.
Ishte kjo batuta që presidenti Ilir Meta ka shkëmbyer me gazetarët, pasi përcolli vetë Berishën. Pa takimit me Metën, ish-kryeministri Sali Berisha ka folur për shpërndarje të Parlamentit. Berisha iu tha gazetarëve se nëse do të ishte në vend të Metës, do ta kishte shpërndarë Parlamentin që në shtator.
“Këtij Parlamenti i duhej vënë dryni që shtatorin e kaluar”. Ish kryeministri Sali Berisha dha këtë përgjigje, kur u pyet nga gazetarët pas takimit me presidentin Ilir Meta, nëse do vepronte njësoj, pasi ky i fundit ka lënë të kuptohet në një deklaratë disa ditë më parë se “Parlamenti me një dekret shpërndahet”.
