Një reportere gjermane është pushuar nga puna, pasi mashtroi në TV duke thënë se kishte ndihmuar ekipet e kërkim-shpëtimit për të pastruar. Mediat e huaja raportojnë se Susanna Ohlen është kapur në kamera nga një person që ndodhej në atë zonë, teksa kishte lyer fytyrën e saj me baltë për të treguar se kishte ndihmuar në pastrimin e vendit.
Susanna Ohlen, 39-vjeç u lye me baltë, duke pretenduar se kishte dhënë kontributin e saj në përpjekjet për pastrim në Bad Münstereifel, pas përmbytjeve ku humbën jetën 128 persona.
RTL.de kishte botuar një artikull të titulluar: “Pastrimi pas përmbytjes: Prezantuesja e RTL jep një dorë në Bad Münstereifel”, ku paraqiste Ohlen.
Hier ist das fleißige Bienchen ????mit ihrem Märchen das sie mit angepackt hat ?? pic.twitter.com/brdhofXl5k
— BockwurstMitSauerkraut (@Michael45644934) July 22, 2021
Ajo u kap “mat”, pasi një qytetar postoi videon në internet të enjten. Televizioni doli me një deklaratë ku thuhej se: “Qasja e reporterit tonë kundërshton qartë parimet gazetareske dhe standardet tona. Prandaj, ne e pushuam nga puna të hënën, pasi dëgjuam për të”. Ohlen ka punuar në RTL që nga viti 2008.
Burimi i lajmit: Dailymail. Përshtatur nga Tirana Today
