Ndeshja mes Prishtinës dhe Gjilanit ditën e sotme ka shkaktuar reagime të shumta.
Gjilani mundi Prishtinën (2-1) dhe një karton i kuq për portierin Visar Bekaj i prishi balancat në fillim të pjesës së dytë.
Polemikat e shumta dhe irritimet nga ana e futbollistëve janë shkaktuar fillimisht, pikërisht nga kartoni i kuq.
Siç mund ta shikoni në videon e mëposhtme, Bekaj braktisi fushën me lot në sy.
Gjithashtu, pas ndeshjes, shpërtheu në lot edhe trajneri Armend Dallku i cili nuk ngurroi edhe të mallkonte:
“Kjo çfarë ka ndodhur në Gjilan është krim ndaj futbollit. Këta gjyqtarë nuk e meritojnë të gjykojnë në Superligë. Duhet marrë përgjegjësi, nga ai i pari që është atje lart, e gjithë të tjerët. Zoti ua ktheftë qysh është më së keqi”.
Lojtarët e Prishtinës dhe stafi kanë protestuar tek arbitri, ndërkohë që vetë klubi kryeqytetas raporton për dëmtime të futbollistëve nga policia:
“Shumë futbollistë dhe trajnerë janë të dëmtuar nga sulmi i policisë, sidomos nga spreji i përdorur, por ka edhe lëndime tjera.
Boshnjaku ka prerë dorën edhe është dërguar në emergjencë. FC Prishtina me gjasë, 99%, do të tërhiqet nga garat!”
