Policia në SHBA ka arrestuar 3 shqiptarë të cilët akuzohen për një seri të gjatë vjedhjesh. Policia në Metro Detroit ka punuar 24 orë, për 7 javë për të kapur 3 shqiptarët, shkruan Tirana Today.
Ata kishin bastisur nëpër shtëpi dhe biznese ku kishin marrë para, bizhuteri dhe sende të tjera me vlerë, raporton wxyz.com.
“Shumë nga bizneset që kishin goditur u janë para. Ata grabisnin natën vonë dhe nuk kishin kohë për të shkuar në bankë, dhe kështu detyroheshin që ti merrnin paratë shtëpi”, tha Curt Lawson, zëvendës shefi i policisë në West Bloomfield Township.
Të hënën pasdite, detektivët kryen kontroll në një zyrë dhe një magazinë, që përdoreshin nga 3 të arrestuarit.
Policia thotë se biznesi i tyre ishte një mënyrë për të pastruar paratë e vjedhura. Për të lëvizur paratë ata përdornin furnizime mjekësore.
3 shqiptarët, sipas mediave amerikane, dyshohet se kanë sjellë shuma parash edhe në vendin tonë.
Hetimet për ta nisën vjeshtën e shkuar, kur një prej grabitjeve u kap nga një kamerave sigurie që ndodhej në banesën e grabitur.
Shqiptarët u futën në kohën që familja ishte larguar dhe shpenzuan të paktën 90 minuta duke kërkuar për sende me vlerë. Policia tha se kishte gjetur prova se aktiviteti i tyre kriminal vijonte që prej 2012-ës.
“Gjatë hetimeve gjetëm një bllok me të paktën 100 persona, të cilët autorët i mbanin nën vëzhgim. Ky është një rast i komplikuar dhe nga më të profilizuarit që kam parë në 23 vitet e mia këtu’, tha zyrtari Lawson. Të arrestuarit janë, Alban Mustafa dhe Endi Mustafa. Këtë dy të fundit janë vëllezër. Hetimet për rastin vijojnë dhe nuk përjashtohet mundësia që të ketë edhe arrestime të tjera
TIRANA TODAY
