“Ai e bëri emrin e tij në internet duke krijuar një faqe të famshme në Facebook për të ndihmuar shokët e tij të vidhnin ilegalisht në Britani të Madhe. Por pasi u dërgua në burg për akuzat për droge, shqiptari Fari Lleshi vazhdon te jete aktiv ne rrjetet sociale për jetën e tij ne qelinë e burgut.”
Kështu shkruan Daily Mail me personazh një reper shqiptar. Në të vërtetë, pamjet teksa pi marijuan, përplasja dhe madje kërcënimet janë postuar rregullisht në faqet e tij të Facebook dhe Instagram.
Fari Lleshi i njohur me pseudonimin ‘2Gunz’, vuan dënimin në një burg të Britanisë, i dënuar me tre vite burg për trafik droge.
Ai poston video duke pirë hashash në qeli dhe duke kënduar. Fari Lleshi, djali nga Kukësi e ka nisur rrugëtimin e tij në Itali nga ku është dëbuar pasi grabiti një bankë dhe u dënua me 6 vite burg.
Lleshi gjithashtu ka një faqe në Facebook në të cilën ai ka postuar një selfie nga qelia e burgut, me trupin e zhveshur, por te mbuluar me tatuazhe, përfshire edhe një shqiponjë me dy koka te flamurit shqiptar.
Lleshi, nga Kukësi, u burgos në Itali në vitin 2011 për grabitje. Pas lirimit të tij ai erdhi në Angli në mënyrë të paligjshme, duke punuar në tregun e zi si një suvatues.
Mashtrimet e tij në internet pasqyrojnë përdorimin në rritje të mediave sociale në burgjet e Mbretërisë së Bashkuar. Të burgosurit që shkojnë në internet mund të përballen me dy vjet shtesë pas hekurave.
Një zëdhënës i Shërbimit të Burgjeve tha: “Kjo sjellje është krejtësisht e papranueshme dhe vepruam shpejt për të hequr përmbajtjen nga mediat sociale”.
Instagram nuk pranoi të komentojë. Google, e cila zotëron YouTube, tha se duhet të ketë një njoftim ligjor nga autoritetet e burgut për të bllokuar videot e filmuara brenda burgjeve në Mbretërinë e Bashkuar.
