Ish-kryeministri i Kosovës, Albin Kurti ka sulmuar Hashim Thaçin lidhur me faktin që shkoi në postin e Presidentit para Prokurorisë Speciale në Hagë.
Ai sulmon edhe kryeministrin aktual, Avdullah Hotin, të cilin e cilëson si një vegël të presidentit Thaçi.
“Në bazë të nenit 131 të Kushtetutës së Republikës së Kosovës, gjendjen e jashtëzakonshme e shpall presidenti, dekreti i të cilit duhet të marrë pëlqimin në Kuvend. Pse kjo qeveri na kërcënon me shpallje të gjendjes së jashtëzakonshme? Çfarë pune ka ajo me këtë shpallje? Vetëm një shpjegim e ka kjo: kryeministri koti është zëdhënës i presidencës, vegël e Thaçit, e i cili karrigen e presidentit të Republikës e mori me vete para prokurorisë speciale në Hagë”, shkruan Kurti.
