Ish-ministri i Brendshëm Saimir Tahiri ka shpërthyer ditën e sotme në një deklaratë për mediat.
Në fakt Tahiri është komentuar gjerësisht në media në shprehjet që përdor hera-herës, aq sa shpesh herë të jep përshtypjen që brenda shprehjeve ka një mesazh, që i drejtohet kryeministrit Rama.
Ish-ministri Saimir Tahiri i cili ishte i pranishëm për të dytën herë radhazi ne Kuvend, nuk arriti as sot të merrte fjalën, kjo pasi opozita kërkoi largimin e tij dhe më pas u largua në shenjë protestë.
I gjendur në këto kushte Tahiri në një komunikim për mediat ka përdorur pikërisht shprehjen e Ramës kur ky i fundit ishte kryetarë Bashkie, duke thënë se: “Nuk e besoj që do ketë bir nëne dhe bir kurve që do të më pengojë”.
Po të kthehemi pak në kohë kjo e sotmja nuk është hera e parë që ish-ministri përdor shprehjet e Ramës, një tjetër moment ka qen kur Tahiri u mor në pytje nga prokurorët dhe ka përdorur shprehjen:”Nuk keni parë gjë akoma”.
Ju filmoi Berisha dhe kërkoi largimin tuaj….
Kam motiv ta mirëkuptojë njeriun që fshiu filmimet e kryeministrisë në 21 janar dhe sot më filmoi mua.
Pse nuk folët sot në seancë?
Nuk ishte opozita, nuk ka sens…
Ju mbron Rama?
As më mbron njeri dhe as dua të më mbrojë…
Keni komunikim me Ramën?
Për mua ka vlerë e vërteta dhe nuk ka vlerë askush që nuk mund, ose mund të më pengojë në rrugën time për të bërë drejtësi, nuk e besoj që do ketë bir nëne dhe bir kurve që do të më pengojë. Tirana Today
