Kryetari i Partisë Demokratike në Itali ka deklaruar se është prekur nga koronavirusi.
Përmes një videoje të postuar në rrjetet sociale, Nicola Zingaretti bën me dije se ai është në gjendje të mirë dhe është izoluar në shtëpinë e tij.
“Edhe unë kam koronavirus. Sigurisht që kam ndjekur të gjitha protokollet që parashikohen në këto raste për të gjithë të prekurit. Jam mirë kështu që jam izoluar në shtëpi. Do ndjek që nga shtëpia situatën. Kurajo të gjithëve, dhe shihemi së shpejti”, thotë ai ndër të tjera në videon e publikuar.
