Heqja e licencës nga autoritetet italiane për kompaninë e fluturimit ‘Ernest’ ka krijuar një kaos në aeroportin e Rinasit. Pasagjerët e këtij avioni po presin prej orësh të zhvillojnë udhëtimin e tyre por avioni i tyre nuk është paraqitur.
“BalkanWeb” sjell pamje nga aeroporti ku shihet të ketë edhe përplasje mes qytetarëve dhe policisë. Ata kërkojnë për fluturimin e tyre pasi duhet të paraqiten në punë, ndërsa policia iu sqaron se kompania ka falimentuar.
Debatet mes qytetarëve dhe policëve:
Qytetarja: Kam tre ditë që pres. A jam njeri i shtetit, a s’jam.
Polici: Hap rrugën. I është hequr licenca. Kompania është e falimentuar.
Qytetarja: Unë të hap rrugën? Bëj punën.
Polici: Unë po e bëj punën, e bëj për familjen time.
Qytetarja: Bjere Edi Ramën këtu, se ne i japim votën. Puna më ka ikur atje, kush pyet për mua.
Polici: Nuk ka lidhje shteti fare.
Qytetarja: Si s’ka lidhje shteti.
Qytetari: Jam nënshtetas i huaj. Nuk keni të drejtë të prekni persona.
