Vëzhguesit politikë në mbarë botën, janë duke analizuar marrëdhënien shumë të ngushtë mes presidentit amerikan Trump dhe atij francez Macron, gjatë një vizitë 3-ditore shtetërore të këtij të fundit në SHBA. Dhe të dy burrat nuk zhgënjyen.
“Ai më pëlqen shumë. Dhe më pas pati një moment të habitshëm. Të ka rënë pak zbokth këtu… Duhet që ta mbajmë në formë të përkryer. Ai është i përkryer”, iu drejtua Trump, Macronit në takimin e fundit.
Eksperti i gjuhës së trupit, Christopher Ulrich, thotë se këto gjeste flasin shumë.
“Është një marrëdhënie e shënuar edhe nga një balancë e fuqive. Ata shkojnë dhe vijnë, duke u përpjekur të fitojnë dominim tek njëri-tjetri. Ne shohim tek 18 sekondat e shtrëngimet të duarve, atë që kemi parë edhe më parë”
Historiani politik Matt Dallek, thotë si Trump ashtu edhe Marcon, kanë diçka për të fituar nga kjo marrëdhënie.
“Për Trump kjo rrit staturën e tij politike, në kuptimin që ai është në skenën botërore, me një udhëheqës të ri karizmatik të Francës. Krahasojeni këtë me marrëdhënien e presidentit amerikan me kancelarin gjermane Angela Merkel, e cila do është sot në Uashington ditën e për një vizitë 1-ditore, dhe me vetëm një takim me Trump. Ftohtësia midis di udhëheqësve gjatë vizitës së saj të fundit marsin e shkuar, ngriti shumë dyshime. Zonja Merkel po drejtohet nga ai duke i thënë “Donald a doni të shtërngojmë duart”. Por ai nuk duket se e dëgjon. Ai duket shumë i distancuar nga ajo. Dhe në atë moment ne nuk e dimë nësë ai do ta bënte këtë. Kjo është ajo që quhet një “shpatull e ftohtë”.
Dallek, thotë se ky raport mund të jetë për shkak të tyre dallimeve të forta ideologjike.
“Merkel mishëron ide të tilla si toleranca ndaj refugjatëve, idenë e kufijve më të hapur, tregtisë së lirë, Bashkimit Evropian, rëndësisë së NATO-s, aleancës transatlantike. Të gjitha këto gjëra Merkel i mbron, dhe i mishëron. Ekspertët, thonë se nuk është e qartë nëse Macron apo Merkel me stilet e tyre të ndryshme, do të jenë në gjendje të bindin Trump të ndryshojë qëndrim mbi çështjet më të rëndësishme, qoftë ajo e tregtisë, ndryshimet klimatike apo marrëveshjen bërthamore të Iranit”, përfundo Dallek.
TIRANA TODAY
