Ish-kryeministri Fatos Nano është dërguar mbrëmjen e sotme në spital, pasi nuk ndodhet në gjendje të mirë shëndetësore.
Ish-lideri historik i Partisë Socialiste ka mbërritur me makinë në një prej spitaleve private në Tiranë. Ai zbret nga makina tip ‘Mercedes Benz’ i shoqëruar nga bashkëshortja Xhoana Nano dhe shoqëruesi i tij.
Nuk dihet se çfarë mund të ketë pasur Nano, por shihet se ai vë maskën dhe ecën ngadalë, në pamundësi për të vazhduar me këmbët e tij.
Nano ndihmohet nga mjekët për t’u ulur në karrocë, dhe futet brenda në spital për të marrë ndihmën e nevojshme mjekësore.
