Gjatë muajit gusht, komentatori i njohur Dritan Shakohoxha foli lidhur me sherrin që çoi në largimin e Ilda Bejlerit nga Digitalb. Teksa ka qenë i ftuar në “Pushime on Top”, Shakohoxha tha se ishte ai që e kishte marrë vendimin që Ilda të shkonte në një televizion tjetër.
Komenti i tij pasoi pas shumë shkrimeve që qarkullonin në mediat rozë, se Ilda Bejleri kishte vendosur të largohej nga Digitalb pas një debati të madh me komentatorin Dritan Shakohoxha. Por vetë moderatorja ka zgjedhur që ti jap drejtim kësaj çështje, ndërsa ka hedhur sërish kunja ndaj Shakohoxhës.
Moderatorja e Supersport, Ilda Bejleri, e ftuar sot në “Wake up”, foli për shkaqet e largimit pas 11 vitesh karrierë. Ajo tha se është larguar sepse i pëlqen që të eksperimentojë, e ndërsa kohët e fundit nuk po e gjente shumë veten.
“Njeriu duhet të ndryshojë, sepse vjen një moment që bëhesh si pjesë e familjes së madhe. Më pëlqen që të eksperimentoj, dhe të bëj gjëra shumë të bukura. Kohët e fundit nuk po e gjeja shumë veten”, tha moderatorja bukuroshe.
Ilda Bejleri foli edhe për marrëdhëniet me komentatorin Dritan Shakohoxha, duke e këshilluar me ironi këtë të fundit që të gjejë veten. “Unë nuk kam pasur konflikt real me Shakohoxhën. Në 11 vjet nuk e kam pyetur për asgjë. Vazhdon seriali, ‘burrat urrejnë gratë’.
Ai është një nga ata njerëz që nuk ia kuptoj rolin që ka; një herë si menaxher, një herë si brigadier, një herë si komentator. Shpresoj që të gjejë veten një herë”, ironizoi Bejleri.
