Një ngjarje e rëndë është shënuar në Teksas, SHBA, teksa një person i armatosur ka hapur zjarr në një kishë duke lënë të vdekur 2 persona.
Sipas mediave të huaja, atentatori u ndalua nga një person që ndodhej në kishë i cili kishte një armë më vete.
Autori i atentatit gjeti vdekjen në vend nga plagët e marra. Dëshmitarët thanë për BBC se autori kishte mjekër false dhe syze, si dhe ka bashkëbiseduar me besimtarët para se të niste sulmin.
Të shtënat zgjatën 6 sekonda, ndërsa ende nuk është bërë i qartë motivi që mund të ketë pasur autori.
Sa i përket personit që qëlloi atentatorin, ligji i miratuar në muajin shtator thekson se personat që kanë leje, mund t’i mbajnë armët e tyre edhe në vendet e lutjes.
