Familja Mustafa është e përbërë nga tre invalidë. Jeton në Vorë. Më parë jetonin në një çadër, në kushte të vështira. E ndërsa sot, jeta e tyre ka ndryshuar tërësisht pasi jetojnë në një ambient të ngrohtë e komod.
“Fundjavë Ndryshe” është kujdesur që të kenë edhe një kopsht të gjelbëruar, duke i dhënë mundësi që edhe ambientin përreth ta shijojnë me të gjithë ngjyrat që na ka dhuruar natyra.
Përpos shtëpisë të cilën e gëzojnë prej nëntorit 2019, “Fundjavë Ndryshe” nuk u ndal, duke çuar deri në fund misionin për ti qëndruar pranë edhe me një mjet që ata e kishin shumë të nevojshëm.
Në shkurt të këtij viti, “Fundjavë Ndryshe” nëpërmjet një donatori i dhuroi familjes Mustafa një mjet lëvizës që është specifik për ta, dhe mjaft i domosdoshëm.
Arbër Hajdari, së bashku me anëtarë të tjerë të familjes, bënë një shëtitje në Tiranë. Arta dhe Gentiani, ndonëse mbi të 40-tat, kurrë më parë nuk e kishin parë Tiranën.
E gjithë jeta e tyre ka qenë mes trishtimit dhe vuajtjeve në atë çadër të vjetër, e ndërsa sot i kanë lënë pas kujtimet e së shkuarës. Përtej shtëpisë dhe makinës, “Fundjavë Ndryshe” vijon të jetë suport i vazhdueshëm në mënyrë periodike.
Bamirësia nuk të varfëron!
