Gjashtë vjet burg dhe 2,400 euro gjobë. Ky është dënimi i i dhënë për shqiptarin Vasil Rama, 38 vjeç. Ai akuzohet se ka vozitur nga viti 2015 deri në vitin 2016, “Audin” e verdhë. Ai e kishte vjedhur makinën, të cilën e përdorte për grabitje të ndryshme në Italinë veriore. Vendimi e raporton media italian “ Il Gazzettino.it”. Ky vendim ndaj shqiptarit është lëshuar nga gjykata e Padovës.
Ai në vitin 2017, ishte i dënuar me dy vjet e gjashtë muaj burg. Ai akuzohet për vjedhje të rëndë, rezistencë ndaj zyrtarëve publikë dhe posedimin e mallrave të vjedhura.
Në sulmet e tij ai kishte treguar cilësi të pazakonta lëvizëse. Njeriu ishte arratisur edhe nga burg pas arrestimit. Ai u kap në Greqi në shtator 2016. Një bashkëpunim i policisë helene me karabinierët bëri të mundur kapjen e tij.
Dy anëtarë të tjerë të grupit “Audi i verdhe”, të dyshuar për dhjetëra vjedhje dhe grabitje në verilindje të Italisë, ende nuk janë kapur. Më 26 janar 2016 “Audi i verdhë” u gjet i djegur në mes të një fushe pranë Trevisos. Por midis 21 dhe 22 janarit “Audi i verdhë” famëkeq ishte bërë legjendë. Ai kishte bërë lëvizje të frikshme përgjatë autostradave në Itali. Shpejtësia e tij kishte qenë marramendëse. Policisë i ishte dashur një punë e gjatë për të vënën nën kontroll situatën. Banditët shqiptarë kishin thyer disa shtëpi në gjithë Italinë veriore. Ata kishin vjedhur sende me vlere si dhe miliona euro./TIRANA TODAY/