Policia e Shkodrës ka reaguar në lidhje me një video e cila u bë virale, ku dëshmohej qartë dhuna ndaj një vajze, e cila u përball me të fejuarën e djalit që kishte pasur marrëdhënie intime.
Uniformat blu kanë ngritur tre akuza për 30-vjeçaren, e cila shpërndau videon në rrjetet sociale 22-vjeçares. Pas video-skandalit është arrestuar shtetasja Margarita Gjoni, e cila ka rrahur dhe kërcënuar Brisilda Rrokun. Në video duket se Gjoni ka marrë peng Rrokun bashkë me disa vajza të tjera, të cilat filmojnë momentet e dhunës.
“Shërbimet e Komisariatit të Policisë Shkodër, menjëherë pas marrjes së kallëzimit nga shtetasja B. RR., se shtetasja M.Gj. 30 vjeçe, banuese në Shkodër, e kishte kërcënuar, dhunuar, filmuar dhe i kishte shpërndarë në rrjetet sociale videon, menjëherë kanë bërë kapjen dhe arrestimin në flagrancë të 30-vjeçares.
Arrestimi i kësaj shtetaseje u bë pasi me datën 18.08.2020, ka kanosur, rrahur dhe me pas i ka shpërndarë videon në rrjetin socal instagram shtetases B. RR. Materialet i kaluan Prokurorisë së Rrethit Gjyqësor Shkodër për veprime të mëtejshme në ngarkim të shtetases M. Gj., për veprat penale “Kanosja”, “Dëmtime të tjera me dashje” dhe “Ndërhyrja në të dhënat kompjuterike”.
