E martë, 25 Janar, 2022
-4.5 C
Tirana

Video/ Deputeti shqiptar përplaset ashpër me Daçiç në parlamentin serb

Shefi i grupit të deputetëve Lugina e Bashkuar, Shaip Kamberi, ka kundërshtuar ashpër zgjedhjen e Ivica Daçiçit në krye të parlamentit serb, gjë për të cilën edhe është përplasur në seancë me ish-kryediplomatin serb.

Kamberi ka thënë se kundërshtojnë zgjedhjen e Daçiçit, meqë konsiderojnë se ai i përket një kaste politike që ka nxitur luftëra të përgjakshme në ish-Jugosllavi.

“Në emër të klubit të deputetëve Lugina e Bashkuar dhe të partisë së Aksionit Demokratik nga Sanxhaku, deklarohem kundër kandidatit të propozuar për kryetar të Kuvendit popullor, para së gjithash për shkak se ne nuk jemi konsultuar fare në këtë procedurë dhe as për formimin dhe përbërjen e Qeverisë së re për të cilën po flitet këto ditë, ndërkohë që për këtë më shumë po informohemi nga mediat sesa rrugëve zyrtare të komunikimit institucional.

Kjo është njëra prej arsyeve praktike të kundërshtimit tonë, ndërkaq arsyet politike të refuzimit tonë kanë të bëjnë me faktin se ai i ka takuar një elite politike e cila ka shkaktuar luftëra të përgjakshme në ish-Jugosllavinë, pasojat e të cilave ndihet edhe sot e veçmas ato po reflektohen ende në pozitën e palakmueshme të pakicave nacionale në republikën e Serbisë”, ka thënë Kamberi, raporton Gazeta Express.

Deputeti shqiptar tutje ka thënë se Daçiç në vazhdimësi ka shprehur urrejtje ndaj pakicave dhe se është duke bërë përpjekje për të mohuar krimet e bëra ndaj shqiptarëve.

“… madje duke bërë thirrje që të mos zbulohen varrezat masive të pretenduara në Serbi dhe për këtë shkak ai nuk do ta ketë votën tonë”, ka shtuar tutje Kamberi.

Ai më tej e ka akuzuar Daçiçin se gjatë kohës sa kishte qenë ministër i Brendshëm është angazhuar për zvogëlimin e numrit të shqiptarëve dhe prishjen demografike të shqiptarëve në tri komuna e Luginës.

Debati Kamberi – Daçiq

Kamberi: Votojmë kundër Daçiqit sepse i takoni elitës politike e cila ka nxitur luftra të përgjakshme në ish Jugosllavi

Publiée par PreshevaPress.com sur Jeudi 22 octobre 2020

“Në kohën sa ishte ministër i punëve të brendshme të Serbisë kishte filluar fushata e pasivizimit të vendbanimeve të shqiptarëve të Luginës, me ç’rast në komunat e Luginës së Preshevës – Preshevë, Bujanoc dhe Medvegjë dhe në komunat e Sanxhakut drejtpërsëdrejti është ndikuar të vijë deri te zvogëlimi i numrit të popullsisë së këtyre pakicave dhe të prishjes së strukturës në përbërjen e popullsisë në dëm të shqiptarëve e myslimanëve, pra të prishjes së strukturës demografike të këtyre komunave”, ka shtuar Shaip Kamberi.

Ndër të tjera Kamberi ka cituar edhe ambasadorin e Gjermanisë në Këshill të Sigurimit i cili ka thënë se Serbia po “shkrep në këmbët e veta”, me fushatën kundër pavarësisë së Kosovës.

Pas këtyre fjalëve të Kamberit s’ka qëndruar pa reaguar Daçiç, i cili ka thënë se Kamberi e kishte shpallur “person të padëshirueshëm” në Bujanoc në kohën sa kishte qenë ministër i Brendshëm.

Ndërkohë, për akuzat rreth prishjes së demografisë së Luginës, Daçiç ka thënë se kishte marrë aksion vetëm për të fshirë, sipas tij, adresat e rrejshme të shqiptarëve që jetojnë në atë pjesë.

“Sa i përket asaj që tha Kamberi dhe kërkesave të tij, ai më ka shpallur mua të padëshirueshëm për të shkuar në Bujanoc, në kohën kur isha ministër i punëve të brendshme, ndërkohë që atëbotë ishte vrarë një polic. Kaq për këtë. Se a e kam zvogëluar unë numrin e popullatës shqiptare, deri sa isha ministër i policisë, jo unë nuk e kam bërë këtë. Ne kemi ndërmarrë aksion për të shlyer paraqitjet e rreme të vendbanimeve,. Sepse ka patur raste kur në një adresë janë lumëruar/paraqitur deri në 20 persona se banojnë aty”, ka thënë Daçiç.

- Reklama -

Më shumë nga kategoria




Të fundit

Ndërron jetë aktori i njohur turk, luajti në serialin “Ertogrul”

Aktori i njohur turk, Ayberk Pekcan, ka ndërruar jetë në moshën 51-vjeçare. I ndjeri ka luajtur në serialin “Ertogrul” dhe “Osman”. Mediat turke thonë se...

Gjirokastritët dhe korçarët më punëtorë, Lezha, Dibra dhe Tirana më “dembele”

Qarqe të ndryshme të vendit shfaqin sjellje ekstreme ndaj punës, pasi në disa prej tyre popullsia në moshë punë (+15 vjeç) shfaq një interes...

Makthi i Berishës nga institucionet që nuk e njohin

Nga: Mero Baze Sali Berisha tani ka nisur luftë me çdo institucion zyrtar, politik apo fetar që nuk e pranon më si Kryetar të PD,...

“Blindohen” zgjedhjet në Shoqatën e Tiranës, hyrja me kartë identiteti

Në orën 15:00 do të nisin zgjedhjet e Shoqatës Rajonale të Futbollit të Tiranës. Aktualisht është vënë re prezencë e forcave të policisë private,...

Nis hakmarrja pas përgjimeve, Tatimet ‘mësyjnë’ te bizneset e Armand Dukës

Bashkia e Tiranës me në krye Erion Veliaj, ka marrë zotimin për të "pastruar futbollin". Prokuroria e Tiranës ka nisur sot një hetim për...