Në ditën e shtatë të protestës, qindra studentë janë mbledhur para Ministrisë së Arsimit. Teksa presin afatin e vendosur prej tyre, pra deri në orën 16:00 për miratimin e kërkesave nga kryeministri, ata ia kanë marrë valles.
Një djalë i vogël i bie daulles, ndërsa studentët kanë krijuar një atmosferë të këndshme teksa kërcejnë, duke treguar kështu se janë të qetë dhe të vendosur për të arritur atë që kërkojnë.
Kujtojmë se në rast të një mosmiratimit të 8 kërkesave deri në orën 16:00, studentët do të hyjnë në grevë urie dhe do të zhvendosen para Kryeministrisë.
Rama kërkoi dialog me studentët në zyrën e tij, apo në Parlament, por studentët e kanë refuzuar, duke kërkuar me vendosmëri miratimin e 8 pikave për përmirësimin e arsimimit të lartë.
