Pas sulmit nga SHBA-së dhe aleatëve të saj Britanisë dhe Francës, televizioni shtetëror i Sirisë ka transmetuar pamjet e tmerrit që përjetuan ditën e sotme. Në të shihen ndërtesa të prishura dhe rrënojat e një qendre kërkimore të armëve kimike pranë Damaskut.
E përpos kësaj zyrtarët e Pentagonit thonë se sulmet kanë në shënjestër zemrën e programeve të presidentit sirian Bashar Assad për të zhvilluar dhe prodhuar armë kimike.
Ushtria siriane thotë se më shumë se njëqind raketa u qëlluan kundër një baze ushtarake në provincën qendrore Homs të Sirisë dhe në qendrën kërkimore në Barzeh, pranë Damaskut.
Imazhet e paraqitura në televizionin Al-Ikhbariya janë të parat pas sulmit nga një prej objektivave. Ne pamje duken grumbuj rrenojash nga ndërtesa e shkatërruar.
