Supersfida e Serie A mes Milanit dhe Juventusit tashmë është harruar, por është një hije skandali e ka rikthyer sërish në qendër të vëmendjes. Ajo që është filmuar pas mbylljes së pjesës së parë ngre dyshime të forta.
Arbitri Mazzolini akordoi një penallti për kuqezinjtë pas konsultimit me VAR, ndërsa më pas Milani po sulmonte shumë lart dhe kishte shanse të barazonte ndeshjen. Mbrojtësi i “Zonjës së Vjetër” ka bërë një bisedë me arbitrin e ndeshjes, ende pa dalë kuqezinjtë nga dhoma e tyre.
Në fund të tunelit, Chiellini bashkë me Pjaniç ndjekin arbitrin Mazzoleni, duke biseduar. Në fillim për klimën e tensionuar dhe shtyrjen e publikut, më pas për penalltinë e akorduar për prekjen me dorë të Benatias.
E gjitha skena është kapur nga kamera kryesore e Ligës Italiane të Futbollit, ndërsa lojtarët e tjerë bardhezi qëndrojnë disi të befasuar duke parë Chiellinin aty pranë arbitrit, në të dalë të tunelit. Madje, sipas atyre që e kanë publikuar videon, ka edhe një zbulim të bisedës që është bërë…
Chiellini, sipas tyre, i ka kërkuar arbitrit që të bëjë kujdes me faullet në dëm të Juves dhe mos shtyhet nga publiku. Kujtojmë që në pjesën e dytë, arbitri nuk hezitoi të nxirrte të kuqin ndaj Higuain, pas protestave për faullin ndaj Benatias.
Mazzoleni është deklaruar dikur si tifoz i Juventus dhe madje edhe në të shkuarën ka pasur episode të ndryshme në favor të “Zonjës”.
