Ditët e fundit ka bërë xhiron në rrjetet sociale një video ku shfaqet Kreu i KLSH-së Bujar Leskaj me kanotierë, duke realizuar një ndeshje mundjeje në mes të një lokali.
Në ambientin e lokalit nuk mungojnë ovacionet nga të pranishmit, të cilët bëjnë herë pas here edhe rolin e arbitrit.
Për hir të së vërtetës, këto pamje janë krejtësisht të pazakonta për një funksionar, edhe pse vlen të theksohet fakti se nuk dihet koha kur është filmuar videoja në fjalë.
Kujtojmë që Leskajt, i ka mbaruar mandati mirëpo ende qëndron në krye të Kontrollit të Lartë të Shtetit.
Ai pritet që të zëvendësohet në vijim sipas procedurës.
