Ish-kryeministri Berisha i ka kthyer përgjigje Ramës në foltoren e kuvendit, lidhur me një bisedë të tyre të bërë në vitin 1991.
Berisha ka thënë se Rama i kishte kërkuar fjalën në një miting të vitit 1991, ku i kishte thënë se do të kërkonte varjen e çdo komunisti në secilën shtyllë të vendit.
Po ashtu, deputeti i PD-së ka nxjerrë emrin e peshkut të madh, i cili sipas tij është vetë kryeministri Edi Rama.
FJALA E BERISHËS:
Po të ngushtohet rrethi dhe po ecën drejt vendit atje ku e ke, në një birucë fare të mirë ku e meriton për gjëmën që i bërë Shqipërisë. Ti je peshku i madh dhe ti duhet të mbash përgjegjësinë për krimin monstruoz që i ke bërë këtij vendi. Së dyti, fole për një miting të datës 10 janar 1991. Memoria ime është memoria ime, është e vërtetë që ka ardh me dy vetë siç përmende, por çfarë më tha? Unë nuk flas si ti tha, butë e kshu tha. Unë i kam ashpër. Po ça do thush ti i thashë? Unë do them që në çdo shtyllë duhet të varet një komunist.
Thuaji i thashë, po mos harro të varesh babën tënd. Ia dhashë fjalën! E treta, e dëgjuat vetë se çfarë tha, janë rrit rrogat në 4 vite më shumë se në 8 vitet e shkuara. Besoj se çdo koment do të ishte humbje kohe e tepërt. Mashtrim, mashtrim dhe vetëm mashtrim.
