Cristiano Ronaldo është padyshim ndër lojtarët më të mirë në botë, madje disa thonë më i miri. Por konsensusi ulet ndjeshëm kur flitet për simpatinë e tij.
Shumë e akuzojnë për egoizëm, dhe pamjet e kapura nga kamerat gjatë ceremonisë së fitores së kampionatit nga Juventusi nuk e përmirësojnë situatën. Ylli portugez, me kupën e kampionatit në dorë, godet pa dashje djalin e tij Cristiano Jr.
Goditje jo e fortë, por gjithsesi e rrezikshme sepse e kap 8 vjeçarin në sy. Por Ronaldo nuk duket sikur shqetësohet nga ky aksident i vogël, dhe përqendrohet tek ceremonia, ku padyshim është protagonisti absolut.
