Emisioni investigativ “BOOM” në RTV Ora solli mbrëmjen e sotme denoncimin e Dhurata Korreshit, e cila ka një vendim gjykate të vitit 1995 ku vërtetohet se babai i saj eshtë pronar i 30 hektar tokë në fshatin Gërmenj të Divjakës.
Në bazë të këtij dokumenti ajo është në proces që kjo pronë ti njihet edhe nga Agjencia e Kthimit të Pronave.
Ndërkohë deri në momentin që do të pajisej me certifikatë pronësie Dhurata ka aplikuar pranë Bashkise Divjakë për ta marrë ketë pronë me qira, dhe fillimisht kjo kërkesë iu miratua nga Këshilli Bashkiak, i cili me vendim Nr .23 dt 11.5. 2018 midis te tjerave ka miratuar dhënien me qira edhe të pronës 792 /11 .
Pasi e mbjell këtë pjesë toke me ullinj të cilën ia ka njohur gjykata, i vjen një shkresë e konceptuar nga Andi Bullari, cili eshtë jurist pranë Bashkisë, ku njihet me faktin se ka pushtuar një tokë shtetërore dhe duhet të shkulë ullinjtë e mbjellë.
Dhurata Korreshi: Këtë tokë e kemi trashëguar nga gjyshi dhe kemi edhe me vendim gjykate. Fillimisht bashkia ma dha me qira dhe më pas vjen dhe mi shkul ullinjtë. Çështjen Bashkia e ka çuar në gjykatë, ndërkohë që gjykata nuk është shprehur ato vijnë dhe më shkulin ullinjtë. Nuk më kanë lënë asnjë procesverbal sekuestrimi të ullinjve.
Vetë juristi i Bashkisë thotë se është pushtuar një tokë publike ndërkohe që zonja ka në dorë një vendim gjykate që e ka pronë të trashëguar.
Për më tepër, derisa Bashkia e ka çuar çështjen në prokurori dhe kjo e fundit në gjykatë, nuk mund të merrej asnjë vendim nga Bashkia pa u shprehur gjykata.
Juristi i Bashkisë Divjakë- Zonja me çfarë titulli ose me çfarë pretendon se është pronare në atë pjesë ?
Gazetarja- Me vendim gjykate të vitit 1995.
Juristi i Bashkisë Divjakë- Me vendim gjykate?
Gazetarja- Po
Juristi i Bashkisë Divjakë- Mund të ma vendosësh në dispozicion?
Gazetarja- Patjetër!
Juristi i Bashkisë Divjakë- Mua këtë vendim zonja nuk ma ka vënë ne dispozicion. Zonja me sa di unë ka bërë kërkesë pranë Kthimit dhe Kopensimit të pronave.
Gazetarja- Po dhe çështja është ne shqyrtim. Ju pretendoni që zonja e ka pushtuar atë tokë.
Juristi i Bashkisë Divjakë- Po.
Gazetarja- E keni çuar çështjen në prokurori, prokuroria e ka çuar çështjen në Gjykatë. Me çfarë kopetencash ju shkoni i shkulni ullinjtë pa u shprehur Gjykata? Urdhëro data që do te bëhet gjyqi. Nuk mund të shkulni ullinjtë pa u bërë gjyqi, vendos gjykata nuk vendos Bashkia juaj.
Juristi i Bashkisë Divjakë- Zonja e ka pushtuar në mënyre të padrejtë !
Gazetarja- Vendos Gjykata nëse është toka juaj ose e zonjës. Ju jeni jurist këtu si shkoni ju shkulni ullinjtë?
Juristi i Bashkisë Divjakë- Zonja po cënon pronën time nuk është se po shkoj unë te zonja.
Gazetarja- Është e jotja personale?
Juristi i Bashkisë Divjakë- Jo është e institucionit.
Gazetarja- E ke në gjykim çështjen. Që të mos i anashkalojmë gjërat, jeni ju këtu në foto që shkulni ullinjtë?
Juristi i Bashkisë Divjakë- Jo, zonja është.
Gazetarja- Jeni ju këtu në foto që shkulni ullinjtë?
Juristi i Bashkisë Divjakë- Të lutem nuk ka rëndësi fare, mund të bësh publike çdo gjë.
Gazetarja- Një juristi i lejohet që të shkuli ullinjtë e tjetrit?
Juristi i Bashkisë Divjakë- Të lutem.
Gazetarja- Si ju shkuat dhe i shkulët ullinjtë ndërkohë qe çështja është në gjykim?
Juristi i Bashkisë Divjakë- Nuk ka vendim gjykate që është shpallur dhe kjo e ka regjistruar në hipotekë.
Gazetarja- Po për çfarë po shkon në gjykatë ti?
Juristi i Bashkisë Divjakë- Nuk kam shkuar unë në pronën e Dhuratës ka ardhur Dhurata në pronën time.
Gazetarja- Nëse është e juaja ose e Dhuratës vendos gjyqi.
Juristi i Bashkisë Divjakë- Vendos gjyqi?
Gazetarja- Po.
Gazetarja e “BOOM” i ka kërkuar juristit ti vendosë në dispozicion procesverbalin e sekuestrimit te ullinjve. Pas kërkesës zyrtare, “BOOM” ju vu në dispozicion vetëm një procesverbal ekzekutimi i detyrueshëm në të cilin kryetari i Bashkisë Divjakë urdhëron lirimin e tokës arë. /Ora News
