Një tërmet me magnitudë 5.8 ka tronditur Australinë juglindore, duke dëmtuar ndërtesat në qytetin e Melburnit.
Tërmeti ndodhi rreth orës 09:15 me orën lokale (23:15 GMT) të mërkurën në Mansfield, jo shumë larg kryeqytetit të shtetit Victorian.
Kryeministri Scott Morrison tha “ne nuk kemi pasur raporte për lëndime të rënda dhe ky është një lajm shumë i mirë”.
Tërmeti u ndje gjithashtu në Australinë Jugore fqinje dhe Uellsin e Ri Jugor (NSW). Ajo u pasua nga dy tërmete me magnitudë 4.0 dhe 3.1. Ky është një nga tërmetet më të mëdhenj të Australisë vitet e fundit.
Duke folur nga SHBA, Morrison vuri në dukje se tërmetet ishin të pazakonta në Australi.
Shërbimi i Emergjencave të Shtetit të Victoria, paralajmëroi banorët që të jenë vigjilentë për tërmete të tjera.
“Nëse ndodheni në Victoria, jeni në rrezik. Pritni goditje të tjera, qëndroni larg ndërtesave të dëmtuara dhe rreziqeve të tjera”, kanë thënë autoritetet.
Burimi i lajmit: BBC. Përshtatur nga Tirana Today
