Më herët ditën e sotme u shoqërua në polici shtetasi Vladimir Gjuta, pasi u kap i armatosur pranë selisë së Partisë Socialiste
Gjuta është pikasur nga gardistët, kanë ndërhyrë për ta neutralizuar atë dhe më pas kanë njoftuar policinë. Gjatë kohës që autori po ndiqej nga garda, atij i ka rënë në tokë një pistoletë e cila kishte një fishek në karikator.
Më pas ai ka deklaruar në polici se armën e kishte për mbrojtje, pasi kishte me vete një sasi të madhe parash. Ngjarja u regjistrua gjatë kohës që kryesia e PS-së po mbante një mbledhje brenda në seli. Pas kësaj ngjarjeje, garda mori masa shtesë sigurie ndaj Ramës.
Kreu i qeverisë shkoi në mbledhje me makinën “Mercedes”, por shoqëruesit i thanë se duhej të hipte tek mjeti i blinduar “Lincoln”, me të cilën lëviz për arsye sigurie.
