Policia ka zhvilluar sot një kontroll masiv në zonën e Këlcyrës, në kuadër të operacionit për parandalimin e kultivimit të bimëve narkotike.
Gjatë kontrollit të territorit janë angazhuar 95 punonjës policie dhe tre dronë. Këto të fundit po përdoren për monitorimin e zonave të thella e pyjore
Policia konstatoi një rast të tentativës për kultivim të kanabisit dhe vunë në pranga shtetasin G. E., 59 vjeç. Në pronën e këtij shtetasi në fshatin Mërtinjë, Këlcyrë, u gjetën të kultivuar disa fidanë narkotikë.
Njoftimi i policisë
DVP Gjirokastër
Vijon kontrolli masiv i territorit për parandalimin e kultivimit të bimëve narkotike.
Strukturat e Policisë po përdorin dronët për monitorimin e zonave të thella e pyjore.
Gjatë kontrollit të territorit janë angazhuar 95 punonjës policie dhe tre dronë.
Nga kontrollet me dronë nuk janë evidentuar raste të tentativës për kultivim të kanabisit.
Kontrollet janë alternuar nga ajri dhe toka.
Shërbimet policore që kontrolluan me këmbë, për disa orë, zonën e Këcyrës, konstatuan një rast të tentativës për kultivim të kanabisit dhe vunë në pranga shtetasin G. E., 59 vjeç, pasi në fshatin Mërtinjë, Këlcyrë, në pronën e këtij shtetasi u gjetën të kultivuar disa fidanë narkotikë.
Gjithashtu, gjatë kontrollit në banesën e këtij shtetasi u gjetën dhe u sekuestruan dhe 330 fishekë luftarakë të kalibrit 7.62 mm.
Kontrolli i territorit do të vijojë pa ndërprerë, duke kontrolluar dhe në zonat më të largëta, falë përdorimit të flotës së dronëve dhe helikopterëve.
