Ministrja e Shëndetësisë dhe Mbrojtjes Sociale, Ogerta Manastirliu ka përcjellë ditën e sotme nga aeroporti i Rinas grupin e infermierëve që do të nisen drejt Italisë.
Manastirliu ka shpërndarë një video në Facebook, ku duket momenti që infermierët hipin në avion. Ky është grupi i dytë i personelit shëndetësor që niset drejt Italisë, për të ndihmuar me situatën e rëndë që ka krijuar COVID-19.
Sipas ministres, sot janë nisur 60 infermierë drejt vendit fqinj.
“Krenare për grupin e dytë të profesionistëve të shëndetit që u nisen drejt Italisë mike!
60 infermierë do të ndihmojnë vendin fqinj në zonat më të goditura nga #COVID19
Rrugë të mbarë”, shkruan ajo në postimin e saj në Facebook.
Kujtojmë se më herët ditën e sotme, rajoni i Lombardisë në Itali publikoi një video me anë të së cilës falënderonte të gjithë shtetet që i kanë ardhur në ndihmë. Në video tregohet edhe momenti kur nga Shqipëria u nisën mjekët dhe infermierët shqiptarë.
VIDEO/ Lombardia falënderon vendet që i erdhën në ndihmë, mes tyre edhe Shqipëria
