Gjysmë e paralizuar dhe e shtrirë në shkallë. Këto janë pasojat e drogës që i kishin hedhur në pije një studenteje 20-vjeçare, që kishte shkuar në një lokal nate. Imazhet tronditëse tregojnë Ilana El-baz, 20-vjeç, pasi u kthye në shtëpi nga një klub nate në Bristol, tre javë më parë.
Në regjistrimin e plotë, të filmuar nga i dashuri i saj, studentja e Universitetit të Bristolit mund të shihet duke tentuar për të ngjitur shkallët.
El-baz, nga Richmond, i dha BBC-së lejen për të transmetuar videon, për të nxjerrë në pah rreziqet e drogës – kur viktimat drogohen pa dijeninë e tyre.
Studentja e vitit të tretë tha se beson se ishte droguar nga një person në klub, i cili i ishte afruar dhe i kishte kërkuar të kërcente. “Në momentin që i thashë se isha me të dashurin tim, ai më la plotësisht”.
“Një orë më vonë u ktheva në shtëpi, dhe u paralizova plotësisht”, shtoi ajo.
E reja e cila po studion menaxhim dhe inovacion, u shpreh se kishte qenë “me fat që ishte me miqtë e saj”.
Drogërat, të cilat besohet se janë qetësues, i bëjnë viktimat më të prekshme ndaj sulmeve dhe policia pranoi në fillim të kësaj jave se ndoshta kishte një ‘motiv seksual’ për sulmet.
Burimi i lajmit: Dailymail. Përshtatur nga Tirana Today
